Shrift o‘lchami

  • A
  • A
  • A

Ko‘rinish

A
A
A

Huquqiy maslahat - bepul,tezkor, hammaga!

Bizning maqsad:

Jamiyatda huquqiy ong va huquqiy madaniyatni yuksaltirishga ko‘maklashish va aholiga bepul yuridik yordam ko‘rsatish

Biz haqimizda

O‘zbekiston Respublikasi Vazirlar Mahkamasining 2019 yil 6 sentyabrdagi 741-son “Aholiga huquqiy axborotni yetkazish va yuridik yordam ko‘rsatish tizimini yana-da takomillashtirish chora-tadbirlari to‘g‘risida”gi qaroriga asosan “Madad” – muassasa shaklidagi nodavlat notijorat tashkiloti tashkil etilib, 2019 yil 12 sentyabr kuni O‘zbekiston Respublikasi Adliya vazirligi tomonidan davlat ro‘yxatidan o‘tkazilgan.

Asosiy vazifalar:

  • fuqarolarga huquqiy masalalar bo‘yicha shu jumladan, onlayn maslahatlar va tushuntirishlar berish yo‘li bilan birlamchi bepul yuridik yordam ko‘rsatish;
  • fuqarolarning huquqiy bilimlarini ijtimoiy-siyosiy o‘zgarishlar bilan uyg‘un ravishda oshirib borish ishlariga ko‘ngillilarni safarbar etish;
  • fuqarolar tomonidan huquqiy maslahat berishga oid so‘rovlarni tahlil qilib borish, tahlil natijasiga ko‘ra huquqni qo‘llash amaliyoti va amaldagi qonunchilikni takomillashtirish yuzasidan takliflar ishlab chiqish;
  • aholining huquqiy ongi va huquqiy madaniyatini yuksaltirishda innovatsion usullarni, xorijiy davlatlarning bu boradagi ijobiy tajribalarini tatbiq etish;
  • “Advice.uz” huquqiy axborot portalining muntazam ravishda yuritilishi va yangilab borilishini taʼminlash.

Tuman (shahar) huquqiy maslahat byurolari

  • "Madad" nodavlat notijorat tashkiloti tomonidan Buyuk Britaniyaning O‘zbekistondagi elchixonasi moliyaviy ko‘magida 2019 yil sentyabr-dekabr oylarida respublika bo‘yicha 28 ta tuman va shaharlarda huquqiy maslahat byurolari tashkil etilgan bo‘lsa, 2022 yilga kelib bunday hududiy byurolar soni bosqichma-bosqich ravishda 73 taga yetkazildi. Hozirgi kunda ushbu hududiy byurolar tomonidan joylarda aholiga sifatli bepul yuridik yordam ko‘rsatib kelinmoqda.

Maʼlumot uchun: "Citizens Advice" – Buyuk Britaniya davlatida oʼtgan asrning oʼttizinchi yillarida tashkil etilgan boʼlib, u faoliyat shakli boʼyicha xayriya tashkiloti hisoblanadi va fuqarolarga ijtimoiy-huquqiy masalalar boʼyicha bepul yuridik yordam koʼrsatadi.

Biz qanday qilib huquqiy maslahat beramiz

Maxsus onlayn-maslahatchi xizmati orqali o‘zingizni qiziqtirgan huquqiy masalalarning yechimini topishingiz mumkin.

Bundan tashqari, hududiy byurolarimiz orqali bevosita huquqiy maslahatlar olishingiz mumkin.

Onlayn-maslahatchi xizmatidan foydalanish tartibi:

  1. Portalining onlayn-maslahatchi xizmati orqali huquqiy maslahatlar haftaning dushanba kunidan juma kunigacha (bayram kunlaridan tashqari) soat 09.00 dan 13.00 gacha va 14.00 dan 18.00 gacha beriladi.

  2. Portalning onlayn-maslahati xizmatiga kelib tushgan murojaatlar "Jismoniy va yuridik shaxslarning murojaatlari to‘g‘risida"gi qonunga muvofiq ko‘rib chiqilmaydi. Murojaatlarga real vaqt rejimida onlayn tarzda javob beriladi.

  3. Ushbu portal orqali yuridik shaxslar faoliyati, xususan tadbirkorlik masalasida hukuqiy maslahatlar berilmaydi. Tadbirkorlik sohasidagi savollaringizni B-Advice.uz portali orqali yo‘llashingiz mumkin.

Eslatib o‘tamiz, portalda joylashtirilgan barcha maʼlumotlar va onlayn-maslahatchilar tomonidan berilgan javoblar tavsiyaviy ahamiyatga ega bo‘lib, masalaning huquqiy yechimini tez topishga qaratilgan.

Xalqaro hamkorlik aloqalari 

Hamkorlik to`g`risida memorandumlar

Amalga oshirilgan ishlar (infografika shaklida)

Foydali manbalar
  1.  
  2. O‘zbekiston Respublikasining "Nodavlat notijorat tashkilotlari to‘g‘risida"gi Qonuni
  3. O‘zbekiston Respublikasining "Nodavlat notijorat tashkilotlari faoliyatining kafolatlari to‘g‘risida"gi Qonuni
  4. O‘zbekiston Respublikasining "Ijtimoiy sheriklik to‘g‘risida"gi Qonun
  5. O‘zbekiston Respublikasining "Jamoatchilik nazorati to‘g‘risida"gi Qonuni
  6. O‘zbekiston Respublikasi Prezidentining 16.04.2020 yildagi PF-5980-son Farmoni
  7. O‘zbekiston Respublikasi Prezidentining 04.03.2021-yildagi PF-6181-son Farmoni
  8. O‘zbekiston Respublikasi Prezidentining 03.03.2021 yildagi PQ-5012-son Qarori
  9. O‘zbekiston Respublikasi Vazirlar Mahkamasining qarori, 22.04.2022 yildagi 208-son
  10.  

Jismoniy va yuridik shaxslar o'zlarini qiziqtirgan masalalar bo'yicha ariza, taklif va shikoyatlar bilan davlat organlarining ishonch telefonlariga murojaat qilishi mumkinligini eslatib o'tamiz. Ishonch telefonlari ro'yxati bilan havola orqali tanishing.

Bizning jamoa

Chat