Бу кўрсаткичлар 13 ноябрь куни Президент Шавкат Мирзиёев ҳузурида ўтказилган бюджет-солиқ сиёсатига бағишланган йиғилишда муҳокама қилинди.
| Йўналиш | 2027 йил учун режа | Аввалги йилга нисбатан ўсиш |
|---|---|---|
| Таълим | 114,3 трлн сўм | 14 трлн сўм |
| Соғлиқни сақлаш | 61,4 трлн сўм | 12 трлн сўм |
Шунингдек, ҳудудлар ва маҳаллалар инфратузилмасини яхшилаш, аҳоли бандлиги ва даромадларини ошириш, инсон капиталини ривожлантириш ҳамда ижтимоий ҳимояни кучайтириш учун 70 трлн сўм ажратиш кўзда тутилмоқда.
Ижтимоий мажбуриятларни барқарор молиялаштириш учун иқтисодиётнинг йиллик ўсишини камида 7 фоиз даражасида таъминлаш зарурлиги таъкидланди.
Устувор вазифалар қаторида меҳнат унумдорлигини ошириш, экспорт имкониятларини кенгайтириш ва юқори даромадли иш ўринларини кўпайтириш белгиланган.
Расмий ахборотга кўра, лойиҳа ва уни амалга ошириш чоралари маҳаллий Кенгашларда муҳокама қилиниб, кейин Олий Мажлис Қонунчилик палатасига киритилади.