Ҳайдовчилик гувоҳномаси тоифалари

A1 тоифа

A1 тоифа қуйидаги мототранспорт воситаларини бошқариш ҳуқуқини беради:

мопедлар ва скутерлар;
конструктив тезлиги соатига 25 километрдан ошмайдиган транспорт воситалари;
ички ёнув двигателининг иш ҳажми 25 куб сантиметрдан ошмайдиган ёки электр двигателининг номинал қуввати 0,25 кВтдан ошмайдиган воситалар.

Индивидуал ҳаракатланиш воситалари A1 тоифасига кирмайди.

Муҳим: A, B, C ёки D тоифасидаги миллий ҳайдовчилик гувоҳномасига эга шахслар A1 тоифасидаги транспорт воситаларини алоҳида A1 белгисиз ҳам бошқариши мумкин.

A тоифа

Мотоцикллар ва электромотоцикллар A тоифасига киради. Мопед ва скутерларнинг A1 мезонларига мувофиқ келадиган турлари алоҳида A1 тоифасида ҳисобга олинади.

B тоифа

Рухсат этилган тўлиқ вазни 3 500 килограммдан ошмайдиган ва ҳайдовчидан ташқари ўриндиқлари сони 8 тадан ошмайдиган транспорт воситалари.

Уларга 750 килограммгача тиркама уланиши мумкин. Оғирроқ тиркама уланганда таркибнинг умумий рухсат этилган вазни 3 500 килограммдан ошмаслиги керак.

C ва D тоифалари

C тоифа — рухсат этилган тўлиқ вазни 3 500 килограммдан ортиқ, D тоифасига кирмайдиган транспорт воситалари.

D тоифа — ҳайдовчидан ташқари 8 тадан ортиқ ўриндиққа эга, йўловчи ташишга мўлжалланган транспорт воситалари.

Ушбу тоифаларда 750 килограммгача тиркама улашга рухсат этилади.

BE, CE ва DE тоифалари

BE — B тоифасидаги автомобиль ва 750 килограммдан оғир тиркама;
CE — C тоифасидаги транспорт воситаси ва 750 килограммдан оғир тиркама;
DE — D тоифасидаги транспорт воситаси ва 750 килограммдан оғир тиркама, шунингдек бўғимли автобуслар.

Тоифалар Вазирлар Маҳкамасининг 2018 йил 31 майдаги 408-сон қарори ва унга киритилган 2025 йил 25 октябрдаги 676-сон қарор асосида белгиланади.