Фуқароларни чақирув участкаларида қайд этиш

Чақирув участкасида қайд этиш нима учун ўтказилади

Фуқароларни чақирув участкаларида қайд этиш:

— уларни ҳарбий рўйхатга олиш;

— сонини аниқлаш;

— ҳарбий хизматга яроқлилик даражасини белгилаш;

— умумтаълим ва жисмоний тайёргарлик даражасини ўрганиш мақсадида амалга оширилади.

Қайд этиш фуқаронинг турар жойи бўйича туман ёки шаҳар мудофаа ишлари органи ҳузурида ташкил этилган чақирув участкасида ўтказилади.

Қачон қайд этилади

Умумий ўрта, ўрта махсус ва бошланғич профессионал таълим муассасаларидаги фуқароларни чақирув участкаларида қайд этиш охирги ўқув йилининг октябрь–ноябрь ойларида амалга оширилади.

Чақирув қоғози келса нима қилиш керак

Фуқаро чақирув участкасида қайд этилиш учун чақирув қоғозида кўрсатилган вақтда мудофаа ишлари органига келиши ва талаб этилган ҳужжатларни тақдим этиши шарт.

Қайд этиш учун махсус комиссия тузилади. Унинг таркибига мудофаа ишлари органи вакиллари ва мутахассис врачлар киритилади.

Тиббий кўрик

Қайд этиш жараёнида фуқаро тиббий кўрикдан ўтказилади.

Кўрикда, жумладан:

— жарроҳ;

— терапевт;

— невропатолог;

— психиатр;

— кўз касалликлари;

— қулоқ, томоқ ва бурун касалликлари;

— тиш касалликлари бўйича мутахассислар иштирок этади.

Зарурат бўлганда бошқа мутахассислар ҳам жалб қилиниши мумкин.

Қайд этилгандан кейин

Чақирилувчига унинг чақирув участкасида қайд этилганлиги тўғрисида гувоҳнома берилади.

Шунингдек, унга:

— ҳуқуқ ва мажбуриятлари;

— ҳарбий рўйхатда туриш тартиби;

— ҳарбий хизматга тайёргарлик қоидалари тушунтирилади.

Эслатма: фуқаро чақирув участкасида қайд этилган пайтдан бошлаб ҳарбий рўйхатга киритилган ҳисобланади.

Норматив ҳужжатлар

Ўзбекистон Республикасининг Қонуни, 12.12.2002 йилдаги 436-II-сон

Мақола фойдали бўлдими?

Бўлимлар