Миллий гвардияга контракт бўйича ҳарбий хизматга кириш талаблари

Миллий гвардияга ишга киришга қандай талаблар бор?

Кимлар номзод бўлиши мумкин

Миллий гвардияга контракт бўйича ҳарбий хизматга умумий ўрта, профессионал ёки олий маълумотли:

— 18 ёшдан 30 ёшгача бўлган фуқаролар;

— аввал контракт бўйича ҳарбий хизматни ўтаган 40 ёшгача шахслар;

— резервдаги ва захирадаги 40 ёшгача офицерлар номзод бўлиши мумкин.

Эркак номзод учун қўшимча талаб

Эркак номзод:

— муддатли ҳарбий хизматни ўтаган ёки ўтаётган;

— сафарбарлик чақируви резервида хизмат ўтаган;

— ёки ОТМдаги ҳарбий тайёргарлик курсини тугатган

бўлиши ва ҳарбий рўйхатда туриши керак.

Бўй талаби

Умумий қоидага кўра:

— эркаклар — камида 178 см;

— аёллар — камида 170 см.

Бироқ Низомда айрим махсус тоифа ва мутахассисликлар учун ушбу антропометрик талабдан истиснолар мавжуд.

Эслатма: 178 ва 170 смлик талаб Миллий гвардиядаги барча лавозимларга мутлақ тарзда татбиқ этилмайди. Махсус мутахассисликлар бўйича Низомда истиснолар белгиланган.

Жисмоний тайёргарлик

Эркак номзодлар учун синовларда:

— турникда тортилиш ёки қўлни букиб-ёзиш;

— 100 метрга югуриш;

— 3000 ёки 1000 метрга югуриш каби машқлар мавжуд.

Аёл номзодлар:

— куч ишлатиш машқлари комплекси;

— 100 метрга югуриш;

— 1000 метрга югуришни бажаради.

Саралаш фақат спорт синовидан иборатми

Йўқ.

Номзод:

— дастлабки ўрганиш;

— жисмоний тайёргарлик;

— психологик ўрганиш;

— тиббий кўрик;

— махсус текширув босқичларидан ўтади.

Талабларга мувофиқ деб топилган номзод бўйича кейин шахсий йиғмажилд расмийлаштирилади.

Қайта топшириш

Жисмоний ёки психологик синовдан қониқарсиз натижа олган номзодга белгиланган тартибда 1 йил давомида 2 марта қайта топшириш имконияти берилади. Шу куннинг ўзида қайта топширишга йўл қўйилмайди.

Норматив ҳужжатлар

Мақола фойдали бўлдими?

Бўлимлар