Янги хизмат Ягона интерактив давлат хизматлари порталида (ЯИДХП) мавжуд. Имтиёзли навбатга бўлган ҳуқуқ давлат ахборот тизимлари орқали автоматик равишда текширилади.

my.gov.uz порталида давлат мактабгача таълим ташкилотларига болаларни имтиёзли навбатга қўйиш хизмати тўлиқ автоматлаштирилди.

Энди ариза топшириш учун фақат ўз имтиёз тоифангизни танлаш кифоя. Тизим барча зарур маълумотларни вазирлик ва идораларнинг ахборот базалари орқали мустақил текширади.

Портал орқали қуйидаги тоифадаги болалар учун имтиёзли навбатга ёзилиш мумкин:

— шартнома асосида хизмат қилаётган ҳарбий хизматчилар, ички ишлар органлари ва божхона ходимлари фарзандлари;
— И ва ИИ гуруҳ ногиронлиги бўлган шахслар фарзандлари;
— етим болалар ва ота-она қарамоғидан маҳрум бўлган болалар;
— “Аёллар дафтари”га киритилган ёлғиз аёллар фарзандлари;
— катта опа-укалари ёки ака-сингиллари айни шу боғчага қатнайдиган болалар;
— ихтисослашган кўп тармоқли болалар боғчаларидан умумий турдаги муассасаларга ўтказилаётган соғайган болалар;
— кам таъминланган оилалар фарзандлари;
— ногиронлиги бўлган шахслар яшовчи оилалар фарзандлари;
— боқувчисини йўқотган оилалар фарзандлари;
— тўрт ва ундан ортиқ фарзанд тарбиялаётган оилалар болалари;
— талаба ота-оналар фарзандлари;
— мактаблар, олий таълим муассасалари, техникумлар, коллежлар ва академик лицейлар педагоглари фарзандлари.

Ариза топшириш учун my.gov.uz порталида ёки мобил иловада рўйхатдан ўтиш, “Давлат мактабгача таълим ташкилотига болани қабул қилиш” хизматини танлаш, керакли маълумотларни тўлдириш, болалар боғчасини танлаш, мавжуд имтиёзни кўрсатиш ва аризани юбориш лозим.