Танловга нодавлат нотижорат ташкилотлари ва фуқаролик жамияти бошқа институтларининг қуйидаги мақсадларни назарда тутган ижтимоий аҳамиятга молик лойиҳалар қабул қилинади:

1.    Оролбўйи ҳудудларида экологик вазиятни тиклашга кўмаклашишда ҳамда аҳоли саломатлигини мустаҳкамлашда ижтимоий шерикликни кучайтириш;

2.    “Яшил макон” умуммиллий лойиҳасини амалга оширишда ННТларнинг фаол иштирокини қўллаб-қувватлаш;

3.    “Менинг маҳаллам – обод ва яшил макон” шиори остида маҳаллалар ободлигини таъминлашга қаратилган дастурларни амалга ошириш 

4.    Маҳаллаларда маиший чиқиндиларни йиғиш, ташиш, утилизация қилиш, қайта ишлашда ижтимоий шерикликни кучайтириш;

5.    Маҳаллаларда очиқ спорт майдончалари яратиш, соғлом турмуш тарзи, экологик ва тиббий маданиятни юксалтиришга кўмаклашиш;

6.    Маҳалла аҳолисининг маънавий дунёқараши ва бирдамлигини таъминлашда ижтимоий шериклик аҳамиятини юксалтириш;

7.    Аҳолини тоза ичимлик суви билан таъминлашда ижтимоий шериклик ва жамоатчилик назорати лойиҳаларини қўллаб-қувватлаш;

8.    Ижтимоий шериклик асосида ижтимоий-иқтисодий муаммолари кўп бўлган қишлоқ ва маҳаллаларда Янги Ўзбекистон маҳалласининг қиёфасини яратиш;

9.    Олис ва табиий иқлим шароити оғир маҳаллаларни ободонлаштиришга қаратилган ижтимоий шериклик лойиҳаларини қўллаб-қувватлаш;

10.    Ижтимоий-иқтисодий муаммолари кўп бўлган ҳамда олис ва табиий иқлим шароити оғир маҳаллаларда аёллар ва ёшлар бандлигини таъминлашга кўмаклашиш.

Давлат гранти ажратиш учун қуйидаги ҳужжатлар тақдим этилади:

• Ташкилот раҳбари томонидан имзоланган ва муҳр билан тасдиқланган кузатув хати. 
• www.fоundngo.uz веб-сайтида жойлаштирилган шаклда тўлдирилган давлат гранти лойиҳаси учун ариза.
• Охирги ўзгартиш ва қўшимчалар билан давлат рўйхатидан ўтган нодавлат нотижорат ташкилоти ва фуқаролик жамияти бошқа институтининг Устави (Низоми) ҳамда гувоҳномасининг нусхалари.
• Агар лойиҳани амалга ошириш лицензияланадиган фаолиятни талаб қилса, унда лицензиянинг нусхаси. 
• Манфаатдор давлат ва жамоат ташкилотларининг тавсия ҳамда қўллаб-қувватлаш хатлари. 

Битта лойиҳа учун ажратиладиган грант миқдори – 100 миллион сўмгача. 

Ҳужжатлар 2022 йил 29 июлдан 31 августгача  қабул қилинади.

Ҳужжатлар Ўзбекистон Республикаси Олий Мажлиси ҳузуридаги нодавлат нотижорат ташкилотларни ва фуқаролик жамиятининг бошқа институтларини қўллаб-қувватлаш жамоат фонди номига “Ўзбекистон почтаси” орқали юбориладиган муҳрланган конвертларда (А4 форматда) қуйидаги манзил бўйича қабул қилинади: 100035, Тошкент шаҳри, Бунёдкор кўчаси, 1-уй. 

Ҳужжатларни тақдим этиш шартлари ва намуналари билан Олий Мажлис ҳузуридаги жамоат фондининг www.fondngo.uz расмий веб-сайтида танишиш мумкин. 

Маълумот учун телефонлар: (0-371) 239-26-76, 239-26-86.