Haydovchilik guvohnomasini olish uchun imtihon topshirish

Imtihonga kirish

Imtihonlar Yo‘l harakati xavfsizligi xizmatining ro‘yxatdan o‘tkazish va imtihon olish bo‘linmalari yoki belgilangan talablarga javob beradigan xususiy imtihon markazlarida o‘tkaziladi.

Nomzod shaxsini tasdiqlovchi hujjat va amaldagi 083/h tibbiy ma’lumotnomaga ega bo‘lishi kerak. Ta’lim va amaliy kurs natijalari axborot tizimi orqali elektron tekshiriladi.

A1 toifasi bo‘yicha avtomaktabni tugatganlik guvohnomasi talab etilmaydi. A va B toifalarida nazariya mustaqil o‘rganilishi mumkin, ammo amaliy kurs litsenziyalangan ta’lim tashkilotida o‘tilishi shart.

Imtihonlarning ketma-ketligi

Dastlab nazariy imtihon, keyin amaliy imtihon topshiriladi. Nazariy imtihondan o‘ta olmagan nomzod amaliy imtihonga kiritilmaydi.

A1 toifasi uchun 20 ta savoldan kamida 16 tasiga to‘g‘ri javob berish talab qilinadi.

Nazariy imtihonning ijobiy natijasi ikki oy davomida amal qiladi. Shu muddat ichida amaliy imtihon topshirilmasa, nazariy imtihon qayta topshiriladi.

Alohida toifalar bo‘yicha talablar

D toifasi uchun B yoki C toifasida kamida uch yillik boshqaruv staji, qayta tayyorlash hamda nazariy va amaliy imtihonlar talab qilinadi.

BE, CE va DE toifalari uchun tegishli asosiy toifa, oxirgi 12 oylik boshqaruv tajribasi, qayta tayyorlash va amaliy imtihon talab etiladi.

Imtihondan o‘ta olmaganda

nazariy imtihonni qayta topshirishga keyingi ish kuni ruxsat beriladi;
amaliy imtihonni qayta topshirishga kamida 7 kalendarь kundan keyin ruxsat beriladi.

Muhim: nazariy va amaliy imtihonlarni qayta topshirish muddatlari bir xil emas.

Imtihonlardan muvaffaqiyatli o‘tilgandan so‘ng milliy haydovchilik guvohnomasi 10 yil muddatga beriladi.

Tartib Vazirlar Mahkamasining 2018-yil 31-maydagi 408-son qarori va 2026-yil 30-martdagi 125-son qaror asosida belgilangan.

Maqola foydali bo‘ldimi?

Bo‘limlar