Sudga murojaatlarni hudud bo‘yicha topshirish

Fuqarolik ishlari

Fuqarolik protsessual kodeksiga ko‘ra, umumiy qoida bo‘yicha:

fuqaroga nisbatan da’vo — u doimiy yashaydigan yoki doimiy mashg‘ul bo‘lgan joydagi sudga;
tashkilotga nisbatan da’vo — tashkilot davlat ro‘yxatidan o‘tgan joydagi sudga beriladi.

Da’vogar tanlashi mumkin bo‘lgan holatlar

Qonunda nazarda tutilgan hollarda da’vo da’vogarning yashash joyidagi sudga ham berilishi mumkin. Bunga:

aliment undirish;
otalikni belgilash;
sog‘liqqa zarar etkazilganligi yoki boquvchining o‘limi tufayli zararni qoplash;
ayrim mehnat, pensiya va uy-joy huquqlarini tiklash;
muayyan holatlarda nikohdan ajratish to‘g‘risidagi da’volar kiradi.

Bir nechta javobgar turli hududlarda yashasa, da’vogar ulardan biri yashaydigan joydagi sudni tanlashi mumkin.

Alohida sudlovga tegishlilik

Imoratga bo‘lgan huquq, mol-mulkni xatlashdan chiqarish yoki er maydonidan foydalanish tartibini belgilash haqidagi da’volar mol-mulk yoki er joylashgan hududdagi sudga beriladi. Taraflar bunday sudlovga tegishlilikni kelishuv bilan o‘zgartira olmaydi.

Iqtisodiy va ma’muriy ishlar

Iqtisodiy da’vo, odatda, javobgar davlat ro‘yxatidan o‘tgan joydagi iqtisodiy sudga beriladi. Alohida bo‘linma faoliyatidan kelib chiqqan da’vo bo‘linma joylashgan hududda ham berilishi mumkin.

Ma’muriy organ yoki mansabdor shaxsning qarori, harakati yoxud harakatsizligi ustidan ariza Ma’muriy sud ishlarini yuritish to‘g‘risidagi kodeksga muvofiq ma’muriy organ joylashgan yoki mansabdor shaxs ishlaydigan hududdagi ma’muriy sudga beriladi.

Muhim: ma’muriy huquqbuzarlik to‘g‘risidagi ishlar va ma’muriy organ qarorlari ustidan ma’muriy sudga beriladigan shikoyatlar — ikki xil ish toifasidir.

Maqola foydali bo‘ldimi?

Bo‘limlar