Tashuvchining fuqarolik javobgarligini majburiy sug‘urta qilish

Kim tashuvchi hisoblanadi?

Tashuvchi — yo‘lovchilarni va ularning mol-mulkini avtomobilь, temir yo‘l, havo, daryo yoki boshqa transportda tijorat asosida tashishni amalga oshiruvchi yuridik shaxs yoki yakka tartibdagi tadbirkor.

Tashuvchi yo‘lovchining hayoti, sog‘lig‘i yoki mol-mulkiga zarar etkazilishi oqibatida yuzaga keladigan fuqarolik javobgarligini majburiy sug‘urta qilishi shart.

Kimlar sug‘urta himoyasida bo‘ladi?

Sug‘urta himoyasi:

transportdagi yo‘lovchilarga;
yo‘lovchining o‘zi bilan olib ketayotgan mol-mulkiga;
tashuvchi qabul qilgan bagajga nisbatan qo‘llaniladi.

Shartnoma qancha muddatga tuziladi?

Shartnoma, qoida tariqasida, bir yil muddatga tuziladi.

Avtomobilь transportida yo‘lovchi tashuvchi tashuvchilar uchun shartnoma 3 oydan bir yilgacha tuzilishi mumkin.

Sug‘urta hodisasi yuz bersa

Tashuvchi:

jabrlanganlarga zarur yordam ko‘rsatishi;
tegishli tezkor xizmatlarni chaqirishi;
hodisani rasmiylashtirishi;
sug‘urtalovchini shartnomada belgilangan muddatda xabardor qilishi;
yo‘lovchi va uning mol-mulkiga etkazilgan zarar haqida ma’lumot taqdim etishi kerak.

Jabrlanuvchi qanday murojaat qiladi?

Yo‘lovchi yoki naf oluvchi sug‘urtalovchiga:

ariza;
shaxsni tasdiqlovchi hujjat;
tashish amalga oshirilganini tasdiqlovchi ma’lumot;
hodisa va zararni tasdiqlovchi hujjatlar;
tibbiy yoki mulkiy zarar hujjatlarini taqdim etadi.

Elektron chipta yoki yo‘lovchilar ro‘yxati ham tashish munosabatini tasdiqlashda foydalanilishi mumkin.

Muhim

Sug‘urta to‘lovi miqdori etkazilgan zarar va shartnoma bo‘yicha belgilangan sug‘urta puli doirasida aniqlanadi.

Normativ hujjatlar

«Tashuvchining fuqarolik javobgarligini majburiy sug‘urta qilish to‘g‘risida»gi Qonun

Vazirlar Mahkamasining 2015-yil 15-sentabrdagi 266-son qarori