Turizm va madaniy meros texnikumlari

Turizm, madaniy merosni boshqarish va muzeyshunoslik sohalarida malakali kadrlar tayyorlash maqsadida Shahrisabz, Marg‘ilon va Xiva turizm va madaniy meros texnikumlari tashkil etilgan.

Shuningdek:

— Samarqand turizm va servis texnikumi — Samarqand turizm va madaniy meros texnikumi;

— Buxoro turizm texnikumi — Buxoro turizm va madaniy meros texnikumi deb qayta nomlangan.

Texnikumlarda ta’lim

Texnikumlarni tashkil etishdan asosiy maqsad turizm va madaniy meros sohalari uchun zamonaviy bilim va amaliy ko‘nikmalarga ega o‘rta bo‘g‘in mutaxassislarini tayyorlashdan iborat.

Ta’lim dasturlarini oliy ta’lim bilan integratsiya qilish, amaliyotga yo‘naltirilgan o‘qitish va sohadagi ish beruvchilar ehtiyojini hisobga olish nazarda tutilgan.

«Ipak yo‘li» turizm va madaniy meros xalqaro universiteti turizm, madaniy merosni boshqarish va muzeyshunoslik yo‘nalishlarida kadrlar tayyorlash bo‘yicha tayanch oliy ta’lim muassasasi hisoblanadi.

Hozirgi boshqaruv tizimi

Kasbiy ta’lim tizimidagi islohotlar natijasida texnikumlar faoliyatini muvofiqlashtirish uchun Kasbiy ta’lim agentligi tashkil etildi.

Amaldagi ro‘yxatlarda Shahrisabz, Marg‘ilon va Xiva turizm va madaniy meros texnikumlarining nomlari saqlangan holda Kasbiy ta’lim agentligi tizimida faoliyat yuritishi belgilangan.

Texnikum — kasbiy ta’lim dasturlari asosida muayyan kasb va mutaxassisliklar bo‘yicha kadrlar tayyorlaydigan kasbiy ta’lim tashkiloti.

Normativ hujjatlar

Maqola foydali bo‘ldimi?

Bo‘limlar