Avtomototransport vositasini notarial idoraga bormasdan onlayn sotish

Onlayn xizmatdan foydalanish

E-notarius portalida tegishli elektron xizmat ishlayotgan bo‘lsa, avtomototransport vositasini sotish bitimini notarial idoraga bormasdan turib boshlash va videokonferentsaloqa orqali rasmiylashtirish mumkin.

Buning uchun sotuvchi va xaridorda:

mobil telefon;
internet aloqasi;
kamera va mikrofon;
shaxsni elektron identifikatsiya qilish imkoniyati;
Face-ID orqali tasdiqlash uchun zarur ma’lumotlar bo‘lishi kerak.

Sotuvchining harakatlari

Sotuvchi portalda avtorizatsiyadan o‘tib:

notarial harakatni rasmiylashtirish xizmatini tanlaydi;
sotiladigan transport vositasini ko‘rsatadi;
shartnoma narxini kiritadi;
xaridorning JShShIRi, ID-karta ma’lumotlari va telefon raqamini kiritadi;
ma’lumotlarni xaridorga tasdiqlash uchun yuboradi.

Xaridorning tasdig‘i

Xaridorga elektron yoki SMS-xabar yuboriladi. Xaridor:

bitim ma’lumotlarini tekshiradi;
shaxsini Face-ID orqali tasdiqlaydi;
transport vositasi va shartnoma narxiga roziligini bildiradi;
notariusni tanlash va qabul vaqtini belgilash jarayonida ishtirok etadi.

Notariusning tekshiruvlari

Notarius videokonferentsaloqa vaqtida:

taraflarning shaxsi va muomala layoqatini;
ularning haqiqiy xohish-irodasini;
transport vositasiga bo‘lgan mulk huquqini;
taqiq, xatlov va garov mavjudligini;
ijro qarzdorligini;
nikoh davomida orttirilgan transport bo‘lsa, ikkinchi turmush o‘rtoqning roziligini tekshiradi.

Notarius shartnomaning mazmuni va huquqiy oqibatlarini taraflarga tushuntiradi. Qonunchilik talablari bajarilmasa, bitimni tasdiqlash rad etilishi mumkin.

Muhim: onlayn rasmiylashtirish notariusning huquqiy tekshiruvlarini bekor qilmaydi. Elektron xizmat faqat murojaat va notarial harakatni masofadan amalga oshirish imkonini beradi.

To‘lovlar

Onlayn bitim uchun davlat boji umumiy tartibda hisoblanadi:

avtomototransport vositasi uchun — 3 BHM;
yaqin qarindoshga o‘tkazishda — belgilangan stavkaning 5 foizi;
bank krediti hisobidan sotib olishda — belgilangan stavkaning 10 foizi.

Notariusning huquqiy va texnik xizmatlari, elektron xizmat yoki hujjatni etkazib berish bilan bog‘liq qo‘shimcha to‘lovlar bo‘lishi mumkin. Stavkalar «Davlat boji to‘g‘risida»gi Qonunda belgilangan.

Shartnoma rasmiylashtirilgandan keyin

Notarial shartnomaning elektron ma’lumotlari tizimda saqlanadi. Zarur bo‘lganda qog‘ozdagi asl nusxalar kurьer yoki pochta orqali etkazilishi mumkin.

Xaridor transport vositasini shartnoma tasdiqlangan paytdan boshlab o‘n kun ichida Yo‘l harakati xavfsizligi xizmati organlarida o‘z nomiga ro‘yxatdan o‘tkazishi shart.

Onlayn va videokonferentsaloqa orqali notarial harakatlarni amalga oshirishda «Notariat to‘g‘risida»gi Qonun hamda Vazirlar Mahkamasining 726-son qarori talablari qo‘llaniladi.

Maqola foydali bo‘ldimi?

Bo‘limlar