Rossiya Federatsiyasi fuqarolariga elektron ma’lumot tashuvchisi mavjud bo‘lgan xorijga chiqish pasportini rasmiylashtirish quyidagi hujjatlar mavjud bo‘lganda amalga oshiriladi:

E’tibor bering! Chet elda berilgan rasmiy hujjatlar Rossiya Federatsiyasida haqiqiy deb e’tirof etilishi uchun legallashtirilishi lozim (agar Rossiya Federatsiyasining xalqaro shartnomalarida boshqacha tartib belgilanmagan bo‘lsa). Boshqa tilda rasmiylashtirilgan hujjatlar (rus tilidagi yozuvlar mavjud bo‘lmagan taqdirda) rus tiliga tarjima qilinishi lozim.

Asosiy hujjatlar:

1. Ariza – Rossiya Tashqi ishlar vazirligining maxsus internet saytida to‘ldirib, chop etib oling.

2. Ilgari berilgan xorijga chiqish pasporti.

3. Agar xorijga chiqish pasporti mavjud bo‘lmasa yoki uning muddati tugagan bo‘lsa, amaldagi ichki (shahsiy) pasport taqdim etilishi mumkin.

E’tibor bering! Agar fuqaroning amaldagi xorijga chiqish yoki ichki pasporti mavjud bo‘lmasa, uning shaxsini va Rossiya fuqaroligiga mansubligini aniqlash maqsadida qo‘shimcha tekshiruv o‘tkaziladi. Uning tartibi bilan BU ERDA tanishishingiz mumkin.

Bolalar uchun qo‘shimcha hujjatlar:

4. Bolaning tug‘ilganlik haqida guvohnomasi.

5. 14 yoshdan katta bolalar uchun shaxsini va fuqaroligini tasdiqlovchi hujjat taqdim etilmasa, qo‘shimcha tekshiruv amalga oshiriladi. Bu jarayon tartibi bilan BU ERDA tanishishingiz mumkin.

6. Bolaning qonuniy vakilining shaxsini tasdiqlovchi asosiy hujjat.

7. Qonuniy vakilining huquqini tasdiqlovchi hujjat (tug‘ilganlik guvohnomasi, vasiylik guvohnomasi va h.k.).

8. Pasportni pochta orqali yuborish haqida ariza (agar fuqaro shunday xohish bildirsa).

9. Pochta xizmati uchun to‘lov amalga oshirilganligini tasdiqlovchi hujjat (pasportni pochta orqali yuborish arizasi berilgan taqdirda).

Pasportni pochta orqali olish tartibi haqida batafsil ushbu bo‘limda tanishish mumkin.

Harbiy xizmatchilar uchun qo‘shimcha:

10. Xorijga chiqish pasportini rasmiylashtirishga buyruqning ruxsati (faqat asli talab qilinadi).

Barcha toifalar uchun:

11. Elektron ma’lumot tashuvchisi mavjud bo‘lgan xorijga chiqish pasportini rasmiylashtirish uchun konsullik to‘lovi (hujjatlar qabul qilinganidan so‘ng, konsullik bo‘limida AQSh dollarida naqd to‘lanadi). Iltimos, kichik qiymatdagi kupyuralarni (1, 2, 5, 10, 20 dollar) olib kelish tavsiya etiladi.

12. Pasportni amal qilishdan chiqarish haqida ariza (faqat oldingi pasport yo‘qolgan bo‘lsa to‘ldiriladi).

Agar zarur bo‘lsa:

13. Fuqaroning (yoki bola uchun uning qonuniy vakilining) latin alifbosida familiyasi va (yoki) ismining pasportda boshqacha yozilishi haqida ixtiyoriy ariza va quyidagilardan biri bilan tasdiqlovchi hujjat:

• oldingi pasport;

• elektron ma’lumot tashuvchisiz pasport;

• tug‘ilganlik guvohnomasi;

• ismni o‘zgartirish guvohnomasi;

• nikoh (yoki ajrashish) guvohnomasi;

• turmush o‘rtog‘ining pasporti (agar fuqaro turmush o‘rtog‘ining familiyasini olgan bo‘lsa);

• bolaning ota-onasi yoki qonuniy vakilining pasporti (agar bola uning familiyasini olgan bo‘lsa);

• chet elda yashashga ruxsat beruvchi hujjat.

E’tibor bering! Suratini olish konsullik bo‘limida maxsus uskuna orqali amalga oshiriladi. Formali kiyimda suratga tushishga ruxsat etilmaydi. Bosh kiyimda suratga tushishga faqat diniy sabablarga ko‘ra, yuz shaklini to‘sib qo‘ymagan holda ruxsat etiladi.

Qo‘shimcha tavsiya:

Qabulga borishda (mavjud bo‘lsa) quyidagi hujjatlarni olib borish tavsiya etiladi:

• muddati o‘tgan Rossiya pasportlari;

• SSSR pasporti (1974-yilgi namuna), unda tegishli yozuvlar va qo‘shimcha varaqalari bo‘lsa;

• tug‘ilganlik, familiya/ism/otanini o‘zgartirish, farzandlikka olish, nikoh/ajrashish guvohnomalari.

Bu hujjatlar rasmiylashtirish jarayonini ancha engillashtiradi va tezlashtiradi.

Zagranpasportni rasmiylashtirish muddati: 3 oygacha.

Pasport muddati tugashidan 6 oy avval rasmiylashtirish uchun murojaat qilish tavsiya etiladi.