Abiturientni onlayn ro‘yxatdan o‘tkazish tartibi

Portalda ro‘yxatdan o‘tish

Abiturient my.uzbmb.uz portalida shaxsiy kabinet ochadi. Ro‘yxatdan o‘tishda, qoida tariqasida:

pasport yoki ID-karta ma’lumotlari;
jismoniy shaxsning shaxsiy identifikatsiya raqami — JShShIR;
telefon raqami;
elektron manzil kiritiladi.

Shaxsiy kabinetga telefon raqami va parolь yoki mavjud bo‘lsa OneID orqali kiriladi.

Arizaga kiritiladigan ma’lumotlar

Abiturient elektron arizada:

shaxsiy ma’lumotlarini tekshiradi;
tugatgan ta’lim muassasasi haqidagi ma’lumotlar bilan tanishadi;
test topshiriladigan fanlar majmuasini;
ta’lim tilini;
test topshirish hududini tanlaydi;
kasbiy yoki ijodiy imtihon mavjud bo‘lsa, imtihon topshiriladigan davlat oliy ta’lim muassasasini ko‘rsatadi.

Ma’lumotlar to‘g‘ri kiritilgandan keyin ariza tasdiqlanadi.

Muhim: fanlar majmuasini tanlashda ehtiyot bo‘lish kerak. Testdan keyin faqat tanlangan fanlar majmuasiga mos bakalavriat yo‘nalishlarini tanlash mumkin bo‘ladi.

Imtiyoz va sertifikatlar

Abiturientning imtiyozi, milliy yoki xalqaro sertifikati haqidagi ma’lumotlar vakolatli organlarning axborot tizimlari orqali tekshiriladi.

Agar ma’lumot avtomatik ravishda ko‘rinmasa, abiturient shaxsiy kabinetda ko‘rsatilgan tartibda tasdiqlovchi hujjatni yuklaydi yoki Bilim va malakalarni baholash agentligiga murojaat qiladi.

Davlat xizmatlari markazi orqali murojaat

Mustaqil ravishda onlayn ro‘yxatdan o‘ta olmagan shaxs istalgan Davlat xizmatlari markaziga murojaat qilishi mumkin.

Markazga murojaat qilinganda:

pasport yoki ID-karta;
pasport yoshiga etmagan shaxs uchun tug‘ilganlik guvohnomasi;
ta’limni tugatganlik haqidagi hujjat;
zarur bo‘lsa, imtiyozni tasdiqlovchi hujjatning asl nusxasi taqdim etiladi.

Markaz xodimi arizani elektron shaklda to‘ldirib, ma’lumotlarni tekshirish uchun abiturientga taqdim etadi. Abiturientdan belgilanmagan qo‘shimcha hujjatlarni talab qilish taqiqlanadi.

Arizani tekshirish

Ariza tasdiqlanishidan oldin quyidagilarni qayta tekshirish lozim:

F.I.O. va JShShIR;
pasport yoki ID-karta ma’lumotlari;
fanlar majmuasi;
ta’lim tili;
test topshirish hududi;
imtiyoz va sertifikatlar;
telefon raqami.

Ro‘yxatdan o‘tish muddati tugagach arizaning asosiy ma’lumotlarini o‘zgartirishga yo‘l qo‘yilmaydi.

Normativ hujjatlar

Maqola foydali bo‘ldimi?

Bo‘limlar