Ko‘p kvartirali uyni boshqarish organining vazifalari

32 ta shirkat 3,5 mlrd so‘mni qaerga sarfladi?

Umumiy mol-mulkni saqlash

Boshqarish organi tom, fasad, erto‘la, kirish yo‘laklari, zinapoyalar, liftlar, umumiy muhandislik tarmoqlari va uyga tutash er uchastkasini belgilangan texnik, sanitariya va xavfsizlik talablariga muvofiq saqlashi kerak.

U umumiy mol-mulkning holatini muntazam ko‘zdan kechiradi, nosozliklarni aniqlaydi, joriy va kapital ta’mirlash ishlarini rejalashtiradi.

Tozalash va obodonlashtirish

Boshqarish organi:

kirish yo‘laklari va lift xonalarini haftada kamida bir marta tozalaydi;
hovli va umumiy foydalanish joylarining tozaligini ta’minlaydi;
bolalar va sport maydonchalarini saqlaydi;
mavsumiy tozalash ishlarini tashkil qiladi;
chiqindilarni olib chiqish uchun tegishli tashkilotlar bilan ishlaydi;
ko‘kalamzorlashtirish va sug‘orish ishlarini amalga oshiradi.

Muhandislik tarmoqlari va avariya xizmati

Umumiy suv, oqova suv, elektr, isitish, yong‘in xavfsizligi va boshqa muhandislik uskunalari doimiy soz holatda saqlanishi kerak.

Boshqarish organi 24 soat faoliyat yuritadigan avariya-dispetcherlik xizmatini tashkil etishi shart. Erto‘lada quvur avariyasi oqibatida suv yoki oqova suv to‘plansa, ularni chiqarish va erto‘lani dezinfektsiya qilish 24 soat ichida ta’minlanishi lozim.

Moliyaviy vazifalar

Boshqarish organi:

har bir uy bo‘yicha yillik ishlar rejasini;
daromadlar va xarajatlar smetasini;
smeta ijrosi haqidagi hisobotni;
bajarilgan ishlar dalolatnomalarini tayyorlaydi;
majburiy to‘lovlarni har bir uy va kvartira bo‘yicha alohida hisobga oladi;
mablag‘lardan maqsadli foydalanadi;
mulkdorlarga xizmatlar va ularning qiymati haqida axborot beradi.

Muhim: boshqarish organi xizmatlarning faqat bajarilganini emas, balki ularning sifati va belgilangan muddatlarda bajarilganini ham ta’minlashi kerak.

Boshqarish organining vazifalari «Ko‘p kvartirali uylarni boshqarish to‘g‘risida»gi Qonun va Ko‘p kvartirali uylarni saqlash va ulardan foydalanish qoidalari bilan belgilangan.

Maqola foydali bo‘ldimi?

Bo‘limlar