O‘zbekistonda ro‘yxatdan o‘tgan avtomobilda xorijga chiqish

O‘zbekistonda davlat ro‘yxatidan o‘tgan avtomobilь bilan xorijga chiqishda transport vositasi O‘zbekiston hisobidan avtomatik ravishda chiqarilmaydi. Mulkdor qaytib kelish sharti bilan avtomobildan chet davlat hududida vaqtincha foydalanishi mumkin.

Muhim: amaldagi qonunchilikda bunday avtomobilь uchun avval qo‘llanilgan 4-son «Qaytarib olib kirish majburiyatnomasi»ni rasmiylashtirish talabi mavjud emas.

Chegarada zarur bo‘ladigan hujjatlar

Avtomobilь egasi o‘zi boshqarganda:

pasport yoki xorijga chiqish hujjati;
milliy haydovchilik guvohnomasi;
transport vositasining ro‘yxatdan o‘tkazish guvohnomasi;
boriladigan davlat talab qiladigan transport sug‘urtasi;
qonunchilikda nazarda tutilgan boshqa ruxsat hujjatlarini olib yurishi kerak.

Xalqaro haydovchilik guvohnomasi zarurligi boriladigan davlat qonunchiligiga bog‘liq.

Avtomobilь mulkdori haydovchi bo‘lmasa

Avtomobilni mulkdor emas, boshqa shaxs chet davlatga olib chiqsa, unda avtomobilьdan foydalanish va xorijga olib chiqish vakolati bo‘lishi kerak.

Muhim: faqat O‘zbekiston hududida boshqarish huquqini beruvchi elektron ishonchnoma avtomobilni xorijga olib chiqish uchun etarli bo‘lmasligi mumkin. Ishonchnomada chet davlatga olib chiqish huquqi alohida ko‘rsatilganini tekshirish lozim.

Lizing, kredit yoki garovdagi avtomobilь uchun shartnoma asosida bank, lizing beruvchi yoki garovga oluvchining roziligi talab qilinishi mumkin.

Chet davlat talablarini tekshirish

Safardan oldin boriladigan va tranzit o‘tiladigan davlatlar bo‘yicha:

avtomobilni vaqtincha olib kirish muddati;
majburiy sug‘urta;
ekologik va texnik talablar;
pulli yo‘llar;
vinьetka va yo‘l yig‘imlari;
tonirovka;
qishki shina;
ishonchnoma va uning tarjimasiga qo‘yiladigan talablarni tekshirish kerak.

Fuqaro uchun muhim: O‘zbekiston qonunchiligida umumiy 90 kunlik qaytarish muddati belgilanmagan. Avtomobilning chet davlatda turish muddati o‘sha davlatning vaqtincha olib kirish va migratsiya qoidalariga muvofiq aniqlanadi.

Avtomobilni xorijda sotish

O‘zbekistonda ro‘yxatda turgan avtomobilni xorijda sotish yoki doimiy qoldirish rejalashtirilsa, uni oddiy vaqtincha safar tartibida olib chiqish mumkin emas.

Bunda:

avtomobilь YHXXda belgilangan tartibda hisobdan chiqariladi;
eksport bojxona rejimi rasmiylashtiriladi;
boriladigan davlatning import talablari bajariladi.

Avtomototransport vositalarining bojxona chegarasidan olib o‘tilishi 2156-son Nizom, davlat ro‘yxatidan chiqarish tartibi esa Vazirlar Mahkamasining 683-son qarori bilan tartibga solinadi.

Maqola foydali bo‘ldimi?

Bo‘limlar