Bagaj kechikkan yoki yo‘qolganda harakat qilish tartibi

Bagaj manzil stantsiyasiga kelmaganda

Yo‘lovchi bagajini olish uchun murojaat qilgan paytda u manzil stantsiyasiga etib kelmagan bo‘lsa, stantsiya xodimi bagaj kvitantsiyasining orqa tomoniga:

«Bagaj etib kelmadi» degan belgi;
yil, oy va sanani ko‘rsatuvchi shtamp qo‘yishi kerak.

Stantsiya yo‘lovchidan bagaj etib kelganida xabar berish uchun manzil va aloqa ma’lumotlari ko‘rsatilgan arizani qabul qiladi.

Bagaj kelmaganligi haqidagi arizani qabul qilish va keyinchalik uning etib kelganligi haqida xabar berish uchun yo‘lovchidan qo‘shimcha yig‘im undirilmaydi.

Etkazish muddatini hisoblash

Bagajni etkazish muddati u jo‘natilgan poezdning manzil stantsiyasigacha bo‘lgan harakat vaqtiga qarab aniqlanadi.

Agar yo‘lda bagajni bir poezddan boshqasiga qayta ortish talab etilsa, har bir qayta ortish uchun etkazish muddatiga bir sutkadan qo‘shiladi.

Qidirilayotgan bagaj topilganda

Qidirilayotgan bagaj manzil stantsiyasiga kelgan kuni stantsiya yo‘lovchiga:

telefon;
buyurtma xat;
yoki boshqa aloqa usuli orqali xabar berishi kerak.

Agar bagaj uchun kompensatsiya hali to‘lanmagan bo‘lsa, yo‘lovchi uni belgilangan tartibda oladi.

Bagajning yo‘qolgan deb hisoblanishi

Bagaj etkazish muddati tugaganidan keyin 10 kun davomida kelmasa, u yo‘qolgan deb hisoblanadi.

Bunday holda yo‘lovchi:

bagajning qiymati;
qonunchilikda nazarda tutilgan boshqa to‘lovlar qoplanishini talab qilish huquqiga ega.

Qiymati e’lon qilingan va e’lon qilinmagan bagaj uchun kompensatsiya turlicha hisoblanadi.

Kompensatsiya to‘langanidan keyin bagaj topilsa

Yo‘qolgan bagaj uchun kompensatsiya to‘langanidan keyin bagaj topilsa, stantsiya bu haqda egasiga xabar beradi.

Bagaj egasi uni kelganligi haqida xabar berilgan kundan boshlab 30 kun ichida olishi kerak.

Bagajni qabul qilishda avval olingan kompensatsiya tashuvchiga qaytariladi.

Chipta yoki bagaj kvitantsiyasi yo‘qolganda

Chipta yoki bagaj kvitantsiyasi yo‘qolsa, bagaj:

yo‘lovchining yozma arizasi;
shaxsni tasdiqlovchi hujjat;
bagaj unga tegishliligini tasdiqlovchi dalillar asosida berilishi mumkin.

Bunda yuk bagaj tarifi bo‘yicha tashish haqi farqi undirilib, bagaj tilxat asosida topshiriladi.

Bagaj shikastlangan yoki kam chiqqan bo‘lsa

Bagajning vazni yoki joyi kam chiqqan, shuningdek, u shikastlangan bo‘lsa, uch nusxada tijorat dalolatnomasi tuziladi.

Yo‘lovchi dalolatnomaning nusxasini olishi va uni tashuvchiga da’vo taqdim etish uchun saqlashi kerak.

Bagaj kechikkan, yo‘qolgan yoki shikastlangan hollarda yo‘lovchining huquqlari Vazirlar Mahkamasining 2012-yil 13-apreldagi 109-son qarori bilan belgilangan.

Maqola foydali bo‘ldimi?

Bo‘limlar