Yo‘l-qurilish ishlari sifatini nazorat qilish

Nazoratni amalga oshiruvchi organ

Yo‘l-qurilish ishlari sifatini davlat tomonidan nazorat qilish O‘zbekiston Respublikasi Transport vazirligi huzuridagi Transport nazorati inspektsiyasi tomonidan amalga oshiriladi.

Inspektsiya:

yo‘l qurilishida texnik jihatdan tartibga solish hujjatlari talablariga rioya etilishini nazorat qiladi;
yo‘l-qurilish materiallari, buyumlari va konstruktsiyalarini ishlab chiqarishni tekshiradi;
qurilishi tugallangan yo‘l ob’ektlarini foydalanishga qabul qilish komissiyalarida ishtirok etadi;
yo‘l ob’ektlaridan foydalanishga doir ishlar sifatini nazorat qiladi;
fuqarolar va tashkilotlar murojaatlariga asosan yo‘l ob’ektlarining sifat ko‘rsatkichlarini aniqlaydi.

Nazorat qilinadigan ob’ektlar

Nazorat:

avtomobilь yo‘llari;
ko‘priklar va yo‘l o‘tkazgichlar;
tunnellar;
suv o‘tkazish inshootlari;
yo‘l bo‘yidagi muhandislik ob’ektlari;
qurilishda qo‘llanilayotgan material, buyum va konstruktsiyalarga taalluqli bo‘lishi mumkin.

Tekshiruvda loyiha hujjatlari, texnik reglamentlar, standartlar va qurilish normalari talablariga rioya etilgani baholanadi.

Sifatsiz yo‘l bo‘yicha murojaat

Yo‘l qoplamasi sifatsiz qurilgan, ta’mirlashdan keyin qisqa vaqtda buzilgan yoki ob’ekt harakat xavfsizligiga tahdid solayotgan bo‘lsa, fuqaro Transport nazorati inspektsiyasiga murojaat qilishi mumkin.

Murojaatda:

yo‘lning aniq joylashgan manzili;
aniqlangan nuqson;
nuqson qachon kuzatilgani;
imkoni bo‘lsa, foto va videolar;
murojaatchining aloqa ma’lumotlari ko‘rsatilishi maqsadga muvofiq.

Muhim: murojaatda yo‘lning faqat umumiy nomi emas, balki mahalla, ko‘cha, kilometr belgisi yoki geolokatsiyasini ko‘rsatish tekshiruvni tezlashtiradi.

Nazorat natijasi bo‘yicha qoidabuzarliklarni bartaraf etish, ob’ektni talablarga muvofiqlashtirish va qonunchilikda nazarda tutilgan ta’sir choralarini qo‘llash masalasi hal etiladi.

Yo‘l-qurilish ishlari sifatini nazorat qilish vakolatlari «Avtomobilь yo‘llari to‘g‘risida»gi Qonunning 6¹-moddasi bilan belgilangan.

Maqola foydali bo‘ldimi?

Bo‘limlar