Chaqiriluvchilarni harbiy xizmatga tayyorlash

Harbiy xizmatga saralash mezonlari belgilandi - Teznews – O‘zbekistonning tezkor xabarlari

Tayyorgarlik nimalarni qamrab oladi

Chaqiriluvchilarni harbiy xizmatga tayyorlash:

— chaqiruvga qadar boshlang‘ich tayyorgarlik;

— harbiy-texnika mutaxassisliklari bo‘yicha tayyorgarlik;

— oliy harbiy ta’lim muassasalariga kirishga tayyorgarlik;

— jismoniy tayyorgarlik va davolash-sog‘lomlashtirish ishlari;

— umumta’lim tayyorgarligi;

— vatanparvarlik ruhida tarbiyalashni qamrab oladi.

Chaqiruvga qadar boshlang‘ich tayyorgarlik

Chaqiruvga qadar boshlang‘ich tayyorgarlik, shu jumladan fuqaro muhofazasi va tibbiy bilim asoslari, ta’lim dasturidagi majburiy fan hisoblanadi.

U umumiy o‘rta, o‘rta maxsus va boshlang‘ich professional ta’lim muassasalarida bitirish yili arafasidagi sinf yoki kurslardan boshlab o‘qitiladi.

2023-yildan mazkur fanni ta’lim muassasalarida tashkil etishning alohida Nizomi amal qilmoqda.

Harbiy-texnika mutaxassisligiga tayyorlash

Bunday tayyorgarlik mudofaa ishlari boshqarmalari huzuridagi maxsus markazlarda amalga oshiriladi.

Unga:

— 17 yoshga to‘lgan;

— salomatligi bo‘yicha harbiy xizmatga yaroqli;

— tayyorgarlik tugagach harbiy xizmatga chaqirilishi lozim bo‘lgan chaqiriluvchilar jalb etiladi.

Turdosh professional ta’lim yo‘nalishida o‘qiyotgan chaqiriluvchilar tegishli tayyorgarlikni o‘z ta’lim muassasasida o‘tashi mumkin.

Eslatma: harbiy-texnika mutaxassisligi bo‘yicha tayyorgarlikka belgilangan tartibda jalb qilingan fuqaroning mashg‘ulotlarda qatnashishi majburiy.

Kim tashkil etadi

Chaqiriluvchilarni tayyorlash Vazirlar Mahkamasining umumiy rahbarligi ostida amalga oshiriladi.

Mudofaa vazirligi, Maktabgacha va maktab ta’limi vazirligi, Oliy ta’lim, fan va innovatsiyalar vazirligi hamda mahalliy hokimliklar o‘z vakolatlari doirasida tayyorgarlikni tashkil etish va ta’minlashda ishtirok etadi.

Normativ hujjatlar

Maqola foydali bo‘ldimi?

Bo‘limlar