Abiturient qanday huquq va majburiyatlarga ega?

Abiturientning huquqlari

Test sinovi jarayonida abiturient:

test topshiriqlari kitobidan qoralama sifatida foydalanish;
test topshiriqlarini belgilangan vaqtdan oldin bajarish;
test materiallarini guruh nazoratchisiga tartib bilan topshirib, test hududidan chiqib ketish huquqiga ega.

Test binosiga kirish

Abiturient test o‘tkaziladigan kuni:

birinchi smenada hududga soat 07:00 gacha, binoga 07:30 gacha;
ikkinchi smenada hududga soat 14:00 gacha, binoga 14:30 gacha

etib kelishi kerak.

Kirish uchun abiturient ruxsatnomasi va pasport taqdim etiladi. Shaxs identifikatsiya vositalari va videofiksatsiya qurilmalari orqali tekshiriladi.

Muhim: test sinovlari boshlanganidan keyin kelgan abiturient binoga kiritilmaydi.

Abiturientning majburiyatlari

Abiturient:

test materiallarining nuqsonsizligini tekshirishi;
nuqson aniqlansa, darhol guruh nazoratchisiga xabar berishi;
test topshiriqlari kitobi muqovasi va javoblar varaqasidagi tegishli joylarni rasmiylashtirishi;
javoblar varaqasini to‘g‘ri to‘ldirishi;
test uchun ajratilgan vaqt tugaguniga qadar materiallarni nazoratchiga topshirishi shart.

Javoblar varaqasini to‘ldirish

Javoblar varaqasi havorang pastali sharikli ruchka bilan to‘ldiriladi.

Abiturient:

javoblar varaqasini bukmasligi;
marker chizig‘iga yozmasligi;
varaqa raqami ostidagi doirachalarni bo‘yamasligi;
har bir savol uchun faqat bitta javobni belgilashi kerak.

Belgilangan namunaga rioya qilinmasa, jumladan, doiracha to‘liq bo‘yalmasa yoki ikki va undan ortiq javob belgilansa, tegishli test topshirig‘i uchun ball berilmaydi.