Talabalar o‘qishini ko‘chirish va qayta tiklash tartibi

Ariza berish muddatlari

Davlat oliy ta’lim tashkilotlari o‘rtasida o‘qishni ko‘chirish yoki ko‘chirib tiklash uchun arizalar:

kuzgi semestr oldidan — 15-iyuldan 5-avgustgacha;
bahorgi semestr oldidan — 10 yanvardan 20 yanvargacha

elektron platforma orqali qabul qilinadi.

Bahorgi semestr oldidan talabaning o‘qishini bir oliy ta’lim tashkilotidan boshqasiga ko‘chirib tiklash haqidagi arizalar qabul qilinmaydi.

O‘qishni qayta tiklash bo‘yicha arizalar ham kuzgi va bahorgi semestr oldidan belgilangan mazkur muddatlarda muayyan oliy ta’lim tashkiloti tomonidan qabul qilinadi.

Bir davlat oliy ta’lim tashkilotidan boshqasiga ko‘chirish

Talabaning o‘qishini boshqa davlat oliy ta’lim tashkilotiga ko‘chirishga asosan quyidagi holatlarda ruxsat beriladi:

talaba turmush qurgani munosabati bilan turmush o‘rtog‘i doimiy yashaydigan hududdagi oliy ta’lim tashkilotiga ko‘chishni so‘raganda;
davlat organi xodimining ish joyi o‘zgarganda, uning turmush o‘rtog‘i yoki voyaga etmagan farzandi tegishli rahbar tavsiyasi asosida murojaat qilganda.

O‘qish, qoida tariqasida, mos yoki turdosh ta’lim yo‘nalishiga ko‘chiriladi.

Muhim: talabaning xohishi yoki yashash manzili o‘zgarganining o‘zi boshqa davlat oliy ta’lim tashkilotiga o‘qishni ko‘chirish uchun etarli asos hisoblanmaydi.

Taqdim etiladigan hujjatlar

Elektron platformaga:

ko‘chirish asosini tasdiqlovchi hujjat;
reyting daftarchasi, akademik ma’lumotnoma yoki transkript;
so‘rovnomada talab qilingan boshqa ma’lumotlar yuklanadi.

Arizadagi ma’lumotlar hujjatlarning asliga mos bo‘lishi kerak.

Bir oliy ta’lim tashkiloti doirasida ko‘chirish

Bir oliy ta’lim tashkiloti doirasida mos yoki turdosh ta’lim yo‘nalishiga hamda mos magistratura mutaxassisligiga ko‘chirish va qayta tiklash shu tashkilot rektori yoki direktorining buyrug‘i asosida amalga oshiriladi.

Turdosh bo‘lmagan yo‘nalishga ko‘chirish alohida vakolatli organ yoki Davlat komissiyasi qarori asosida ko‘rib chiqiladi.

Xorijiy yoki nodavlat tashkilotdan ko‘chirish

Xorijiy va nodavlat oliy ta’lim tashkilotlaridan davlat oliy ta’lim tashkilotlariga ko‘chirish uchun ariza har yili 15-iyuldan 5-avgustgacha:

YaIDXP;
maxsus elektron platforma;
Davlat xizmatlari markazi orqali beriladi.

Talabgor davlat oliy ta’lim tashkilotining mos yoki turdosh bakalavriat yo‘nalishi bo‘yicha o‘qiydigan tilida maxsus sinov — test yoki kasbiy (ijodiy) imtihon topshiradi.

Xorijiy va nodavlat oliy ta’lim tashkilotlarining magistratura bosqichidan davlat oliy ta’lim tashkilotiga o‘qishni ko‘chirishga ruxsat berilmaydi.

Normativ hujjatlar

Maqola foydali bo‘ldimi?

Bo‘limlar