Avtoturargohlar allaqachon 11 ta markaziy ko‘chada mavjud. Ilova Toshkent Invest kompaniyasining sho‘ba korxonasi tomonidan ishlab chiqilgan.

Toshkentda pulli yo‘l bo‘yi to‘xtash joylari uchun to‘lovlarni amalga oshirish imkonini beruvchi Poytaxt Parking mobil ilovasi ishga tushirildi.

Ilova «Biznes» toifasida 8-o‘rinni egallagan AppStore va 5 mingdan ortiq yuklab olingan Google Play ilovalar do‘konlarida mavjud.

8-may kuni Amir Temur xiyoboni, Mirobod, Shahrisabz, Istiqbol va Zarafshon kabi 6 ta sinov ko‘chasida yo‘l bo‘yi pulli avtoturargohlar loyihasi rasman ishga tushirildi. Ikkinchi bosqichda 30 iyungacha poytaxtning yana 30 ta ko‘chasida pulli avtoturargohlar paydo bo‘lishi kerak, iyulь oyi oxirigacha esa 13 208 ta to‘xtash joyiga mo‘ljallangan nuqtalar 86 ta ko‘chada ishga tushadi.

Pulli avtoturargohlar operatori Streetpark Systems avtoturargoh uchun to‘lovni amalga oshirishning asosiy usuli Poytaxt Parking mobil ilovasi bo‘lishini ta’kidlagandi.  AppStore va Google Playda ilova o‘nlab sharhlar asosida 5 balldan 2,4 ball oldi.

Ilova Promobility tomonidan ishlab chiqilgan. KTYDR ma’lumotlariga ko‘ra, kompaniya 2024-yilning oktyabrь oyida tashkil etilgan va “kompьyuter dasturlashtirish sohasidagi faoliyat” bilan shug‘ullanadi. Promobility ta’sischisi — Toshkent Invest kompaniyasi (affillangan shaxslar reestriga kiritilgan), direktori — Kochergina Ekaterina Sergeevna. Ustav fondi — 3,01 mlrd so‘m.

Poytaxt Parking ilovasida 11 ta ko‘chadagi pulli avtoturargoh keltirilgan. Bular — Bratislava, Mirobod, Avliyo ota, Taras Shevchenko, Shahrisabz, Sodiq Azimov, Istiqbol, Amir Temur xiyoboni, O‘zbekiston ovozi, Mahatma Gandi va Hamid Olimjon. Avtoturargoh narxlari tarif zonasiga qarab 5 ming so‘mdan 12 ming so‘mgacha o‘zgaradi.

O‘zbek, rus va ingliz tillarida mavjud bo‘lgan ilovada to‘xtash sessiyasining davomiyligini tanlash mumkin, undan kelib chiqqan holda narx hisoblanadi. Avtoturargoh uchun to‘lovni Paynet, Octobank, Click, Payme va Uzum Bank ilovalari orqali amalga oshirish mumkin. Shuningdek, avtoturargohlar yonida naqd pul qabul qilish uchun Paynet terminallarini o‘rnatish rejalashtirilgan edi. Avtoturargoh narxi to‘lov turiga qarab farq qilmasligi kerak.

Toshkentda pulli avtoturargohlar

2024-yilning oktyabrida poytaxt hokimi Shavkat Umurzoqov Toshkentda pulli to‘xtab turish joylarini tashkil etishga qaratilgan qarorni imzoladi. Unga ko‘ra, 2025-yilning avgust oyi oxirigacha 13,2 mingta pulli «parkovka» tashkil etish, kelgusida ularni 84 mingtaga etkazish rejalashtirilgandi.

Bundan oldin hokimlik poytaxtda pulli to‘xtab turish joylarini tashkil etish tartibini tasdiqlangandi. Barcha tumanlarda ijaraga beriladigan maydonlarning umumiy hajmi 262,8 ming kv.metrni tashkil etadi. Operator Toshkentning barcha tumanlaridagi ko‘chalardagi nuqtalarni uch yil muddatga boshqarishga oladi va ularni texnik jihozlash uchun kamida $5 mln investitsiya kiritishi kerak bo‘ladi.

Noyabrь oyi oxirida o‘tkazilgan birinchi auktsionda Balsomuz qo‘shma korxonasi g‘olib bo‘lgandi. Kompaniya avtoturargohlar ijarasi uchun taxminan 120 mlrd so‘m taklif qilgan, ammo kelishuv tasdiqlanmagan.

Dekabrь oyi o‘rtalariga kelib, Streetpark Systems poytaxt ko‘chalarida pulli “parkovka"larni tashkil etish huquqi uchun takroriy savdolarda g‘olib chiqdi. Ushbu kompaniya auktsionning ikkinchi bosqichida «parkovka» maydonlarini 3 yilga ijaraga olish uchun 62,93 mlrd so‘m taklif etdi.

Shuningdek, ushbu kompaniya pulli «parkovka» platformasini yaratish bo‘yicha tenderda ham g‘olib bo‘lgan. Mart oyida Streetpark Systems mobil ilova yaratish ustida ish olib borayotgani ma’lum bo‘ldi.

2-may kuni Toshkentda yo‘l bo‘yidagi birinchi pulli avtoturargohlar sinovdan o‘tkazilayotgani ma’lum bo‘ldi. Ulardan biri Amir Temur xiyoboni atrofida joylashgan bo‘lib, bu erda to‘xtash joyining narxi soatiga 12 ming so‘mni tashkil etadi.

Avvalroq kredit rasmiylashtirilishini onlayn taqiqlash imkoni yaratilgani haqida xabar berilgandi. Xizmatdan Kredit-axborot tahliliy markazi kredit byurosi saytidan bepul foydalanish mumkin.