Huquqiy maslahat - bepul,tezkor, hammaga!
Davlat bog‘chasiga imtiyozli navbat
- 12325 marta o'qildi
Imtiyozli navbat nima?
Imtiyozli navbat — qonunchilikda belgilangan toifadagi bolalarni davlat maktabgacha ta’lim tashkilotiga umumiy navbat bilan almashib boradigan ustunlik asosida qabul qilish ro‘yxati.
Imtiyoz bolaning bog‘chaga darhol yoki navbatsiz qabul qilinishini anglatmaydi. Yo‘llanma bolaning yoshiga mos guruhda bo‘sh o‘rin paydo bo‘lganda va belgilangan ketma-ketlik asosida shakllanadi.
Kimlar imtiyozli navbatga qo‘yiladi?
Quyidagi bolalar imtiyozli ro‘yxatga kiritiladi:
- I yoki II guruh nogironligi bo‘lgan shaxslarning bolalari;
- ko‘p bolali oilalarning bolalari;
- etim yoki ota-ona qaramog‘idan mahrum bo‘lgan bolalar;
- tazyiq va zo‘ravonlikdan jabr ko‘rgan shaxslarning bolalari;
- Ijtimoiy reestrga kiritilgan oilalarning bolalari;
- «Ayollar daftari»ga kiritilgan ijtimoiy himoyaga muhtoj yolg‘iz ayollarning bolalari;
- kontrakt bo‘yicha harbiy xizmatchilar, ichki ishlar va bojxona organlari xodimlarining bolalari;
- talabalar va pedagoglarning bolalari;
- akasi yoki opasi tanlangan tashkilotga qatnayotgan bolalar;
- ixtisoslashtirilgan maktabgacha tashkilotdan umumiy turdagi tashkilotga o‘tkazilayotgan sog‘aygan bolalar.
Ariza qanday beriladi?
Imtiyoz turiga qarab:
- ma’lumotlar davlat axborot tizimlaridan avtomatik tekshiriladi;
- ayrim toifalar bo‘yicha Davlat xizmatlari markaziga shaxsan murojaat qilib, imtiyozni tasdiqlovchi hujjat ko‘rsatiladi.
Tazyiq va zo‘ravonlikdan jabr ko‘rgan shaxslar hamda Ijtimoiy reestrdagi oilalar bolalari «Inson» markazi ijtimoiy xodimlari talabnomasi orqali ham imtiyozli navbatga qo‘yilishi mumkin.
Imtiyozli va umumiy navbat qanday harakatlanadi?
Bo‘sh o‘rinlar quyidagi tartibda navbatma-navbat taqsimlanadi:
- imtiyozli ro‘yxatdan bitta bola;
- umumiy ro‘yxatdan bitta bola.
Agar bolalar egizak bo‘lsa, ularning arizalari bir vaqtda rasmiylashtiriladi. Zarur holda guruh quvvati ikkinchi egizak uchun vaqtincha oshirilishi mumkin.
Yangi qurilgan bog‘chada alohida tartib bormi?
Birinchi marta bolalar qabul qilayotgan yangi qurilgan davlat bog‘chasiga avvalo vazirlik tasdiqlagan mikrouchastkada yashovchi bolalar ustunlik bilan qabul qilinadi.
Mikrouchastkadagi bolalar qabul qilingandan keyin qolgan o‘rinlar umumiy va imtiyozli navbat asosida taqsimlanadi.
Imtiyoz qaerlarda qo‘llanilmaydi?
Mazkur imtiyozli navbat davlat-xususiy sheriklik asosidagi nodavlat maktabgacha ta’lim tashkilotlariga umumiy tartibda tatbiq etilmaydi. Ularda ijtimoiy ko‘makka muhtoj oilalar va maxsus kontingent uchun alohida kvota tartibi mavjud.
Bola 7 yoshga to‘lsa navbat saqlanadimi?
Joriy o‘quv yilining 31-mayiga qadar 7 yoshga to‘ladigan bolaning arizasi shu sanada avtomatik bekor qilinadi va u navbatdan chiqariladi.
Normativ hujjatlar
- Vazirlar Mahkamasining 2018-yil 28-martdagi 244-son qarori
- Vazirlar Mahkamasining 2026-yil 29-yanvardagi 35-son qarori
/%D0%9D%D0%BE%D0%B2%D0%B0%D1%8F%20%D0%BF%D0%B0%D0%BF%D0%BA%D0%B0%20(3)/ijtimoiy.png)
/2222.png)
/11.png)
/%D0%9D%D0%BE%D0%B2%D0%B0%D1%8F%20%D0%BF%D0%B0%D0%BF%D0%BA%D0%B0%20(3)/13.png)
/gender.png)
/%D0%9D%D0%BE%D0%B2%D0%B0%D1%8F%20%D0%BF%D0%B0%D0%BF%D0%BA%D0%B0%20(3)/19.png)
/%D0%9D%D0%BE%D0%B2%D0%B0%D1%8F%20%D0%BF%D0%B0%D0%BF%D0%BA%D0%B0%20(3)/2.png)
/%D0%9D%D0%BE%D0%B2%D0%B0%D1%8F%20%D0%BF%D0%B0%D0%BF%D0%BA%D0%B0%20(3)/9.png)
/%D0%9D%D0%BE%D0%B2%D0%B0%D1%8F%20%D0%BF%D0%B0%D0%BF%D0%BA%D0%B0%20(3)/12.png)
/%D0%9D%D0%BE%D0%B2%D0%B0%D1%8F%20%D0%BF%D0%B0%D0%BF%D0%BA%D0%B0%20(3)/vatandoshlar%2010.png)
/%D0%9D%D0%BE%D0%B2%D0%B0%D1%8F%20%D0%BF%D0%B0%D0%BF%D0%BA%D0%B0%20(3)/Informatization%202.png)
/4.png)
/vote%202%20%D0%BA%D0%BE%D0%BF%D0%B8%D1%8F.png)
/%D0%9D%D0%BE%D0%B2%D0%B0%D1%8F%20%D0%BF%D0%B0%D0%BF%D0%BA%D0%B0%20(3)/saldatkui.png)
/6.png)
/3.png)
/%D0%9D%D0%BE%D0%B2%D0%B0%D1%8F%20%D0%BF%D0%B0%D0%BF%D0%BA%D0%B0%20(3)/8.png)
/%D0%9D%D0%BE%D0%B2%D0%B0%D1%8F%20%D0%BF%D0%B0%D0%BF%D0%BA%D0%B0%20(3)/transport.png){kind=spacer}
/%D0%9D%D0%BE%D0%B2%D0%B0%D1%8F%20%D0%BF%D0%B0%D0%BF%D0%BA%D0%B0%20(3)/Green_Right_Arrow_Transparent_PNG_Clip_Art_Image.png){kind=spacer}
/Tamojni.png)
/%D0%9D%D0%BE%D0%B2%D0%B0%D1%8F%20%D0%BF%D0%B0%D0%BF%D0%BA%D0%B0%20(3)/17.png)
/construction.png)
/%D0%9D%D0%BE%D0%B2%D0%B0%D1%8F%20%D0%BF%D0%B0%D0%BF%D0%BA%D0%B0%20(3)/7.png)
/%D0%91%D0%B5%D0%B7%D1%8B%D0%BC%D1%8F%D0%BD%D0%BD%D1%8B%D0%B9-1.png)
/YXk.png)
/travl%203.png)
/%D0%9D%D0%BE%D0%B2%D0%B0%D1%8F%20%D0%BF%D0%B0%D0%BF%D0%BA%D0%B0%20(3)/14.png)
/tree.png)
/%D0%9D%D0%BE%D0%B2%D0%B0%D1%8F%20%D0%BF%D0%B0%D0%BF%D0%BA%D0%B0%20(3)/Sport_madad.png)
/Informatization.png)
/%D0%9D%D0%BE%D0%B2%D0%B0%D1%8F%20%D0%BF%D0%B0%D0%BF%D0%BA%D0%B0%20(3)/5.png)
