YPX xodimining huquqlari va majburiyatlari

YPX xodimi transport vositasini, jumladan:

qoidabuzarlik vizual aniqlanganda yoki maxsus moslamada qayd etilganda;
transport vositasi, haydovchi yoki yo‘lovchi qidiruvda ekanligi yoki huquqbuzarlikka aloqadorligi haqida ma’lumot bo‘lganda;
YTH yoki huquqbuzarlik guvohidan ma’lumot olish zarur bo‘lganda;
vakolatli organning harakatni cheklash yoki taqiqlash haqidagi ko‘rsatmasini bajarishda;
maxsus tadbir jarayonida;
transport vositasi va tashilayotgan yuk hujjatlarini tekshirish uchun to‘xtatishi mumkin.

YPX xodimining transport vositasini Nizomda ko‘rsatilmagan boshqa asoslarga ko‘ra to‘xtatishi taqiqlanadi.

YPX xodimi:

haydovchilik va transport hujjatlarini tekshirish;
haydovchi ishtirokida transport vositasi va yukni tashqi ko‘zdan kechirish;
hujjatlarni elektron ma’lumotlar bazasi orqali tekshirish;
YTH va boshqa huquqbuzarlik guvohlarini aniqlash;
qonunda belgilangan hollarda transport vositasidan foydalanish;
dvigatelь va agregat raqamlarini ro‘yxatdan o‘tkazish hujjatlari bilan solishtirish;
transport vositasini ta’qib qilish yoki kuzatish huquqiga ega.

Xodim:

xizmatni mobilь videokameradan foydalangan holda oshkora olib borishi;
haydovchi oldiga borib, o‘zini tanishtirishi, lavozimi, unvoni va familiyasini aytishi;
talab qilinganda ko‘krak nishon raqamini ma’lum qilishi va xizmat guvohnomasini ochiq holda ko‘rsatishi;
mobilь videokamera ishlatilayotganini ma’lum qilishi;
to‘xtatish sababi va sodir etilgan qoidabuzarlikni aniq tushuntirishi;
yo‘l harakati qatnashchisiga hurmat bilan, vazmin va «Siz» deb murojaat qilishi shart.

YPX xodimi yo‘l harakati qatnashchisini asossiz ushlab turishi mumkin emas.

Yo‘l harakati qatnashchisi:

to‘xtatish asosi va Qoidalarning qaysi bandi buzilganini tushuntirishni;
xodimning o‘zini tanishtirishi, xizmat guvohnomasi va ko‘krak nishon raqamini ko‘rsatishini;
xizmatni mobilь videokamerasiz olib borayotgan xodimga hujjatlarni taqdim etmaslikni;
muloqotni o‘zining audio, foto yoki video qurilmasiga qayd etishni;
maxsus moslama natijalari va uning qiyoslash sertifikati bilan tanishishni;
asossiz ushlab turilmaslikni talab qilish huquqiga ega.

Shu bilan birga, yo‘l harakati qatnashchisi YPX xodimining qonuniy talablariga bo‘ysunishi shart.