14.04.2026 - Bino va inshootlarni qurish yuzasidan xususiy qurilish nazoratini amalga oshirish tartibi belgilandi

Hukumat qarori (167-son, 13.04.2026-y.) bilan “Yakka tartibdagi uy-joylar hamda kichik hajmdagi noturar bino va inshootlarni qurish hamda rekonstruktsiya qilish ishlari yuzasidan xususiy qurilish nazoratini amalga oshirish tartibi to‘g‘risida”gi nizom tasdiqlandi.

Xususiy qurilish nazorati ob’ektning quruvchisi va nazoratchi o‘rtasida tuziladigan shartnoma asosida amalga oshiriladi.

☑️ Xususiy qurilish nazorati buyurtmachining (mulkdor) ixtiyori bilan amalga oshiriladi.

Ob’ektlarda 1 oyda kamida 1-marta xususiy qurilish nazorati amalga oshiriladi.

⛔️ Bunda o‘tkaziladigan har bir xususiy qurilish nazoratining muddati 1 ish kunidan oshmasligi shart.

▶️ Quyidagilar ob’ekt qurilishining asosiy bosqichlari hisoblanadi:

▫️ bino va inshoot poydevorini qurish;
▫️ poydevor qurish;
▫️ asosiy ko‘tarib turuvchi konstruktsiyalarni qurish;
▫️ devorlar va to‘sib turuvchi konstruktsiyalarni qurish;
▫️ tom yopish va boshqalar.

Ob’ekt buyurtmachisi qurilishning har bir bosqichi yakunlanishidan 2 kun avval xususiy qurilish nazoratchisini elektron va yozma shaklda xabardor qilishi lozim.

Xususiy qurilish nazoratchisi xabarnomani olgan kundan boshlab 1 ish kuni ichida qurilish ob’ektiga sertifikatlangan nazoratchini biriktiradi.

Xususiy qurilish nazoratchisi 5 ish kuni mobaynida ijobiy xulosa beradi yoki ob’ektni qo‘shimcha ko‘zdan kechirib, belgilangan asoslar mavjud bo‘lganda, ijobiy xulosa berishni rad etadi.

Maqola foydali bo‘ldimi?

Bo‘limlar